Payam Laayi Hai Baad-e-Saba Madine Se

Payam laayi hai baad-e-saba Madine se

Ke rehmaton ki uthi hai ghata Madine se

Humare samne ye naazish-e-bahaar fuzool

Behisht le gayi hai faza Madine se

Farishtay sinkron aate hain aur jaate hain

Bohat qareeb hai arsh-e-Khuda Madine se

Na aayein jaake wahan se yehi tamanna hai

Madine la ke na laaye Khuda Madine se

Ilahi koi to mil jaaye charah gar aisa

Humare dard ki laa de dawa Madine se

Hisaab kaisa nakeeren hogaye be khud

Jab aai qabar mein thandi hawa Madine se

Khuda ke ghar ka gada hoon faqeer e koey Nabi

Mujhe to ishq hai Makkeh se ya Madine se

Chale hi aao mazaar-e-Hussain par seemaab

Kuch aisi door nahin Karbala Madine se