Noor Wala Aya Hai Haan Noor Lekar Aya Hai
Noor Wala Aya Hai Haan Noor Lekar Aya Hai
Noor wala aya hai haan noor lekar aya hai
Saare aalam mein yeh dekho noor kaisa chhaya hai
Chaar jānib roshni hai sab sama hai noor noor
Haq ne paida aaj apne pyare ko farmaya hai
Aao aao noor ki khairat lene ko chalen
Noor wala Aminah Bibi ke ghar mein aya hai
Aage peechhe daayeen baayeen noor hai chaaron taraf
Aa gaya hai noor wala, noor wala aya hai
Ho rahi hain chaar janib baarishen anwaar ki
Chha gayi nikhhat gulon par har shajar ithlaaya hai
Zarra zarra jagmagaya har taraf aya nikhar
Goya saari hi fiza ko noor mein nahiya hai
Noor wale ke rukh-e-roshan ki kya tareef ho
Chehray Anwar ke aage chaand bhi sharmaaya hai
Chhat pe Ka'be ki utar kar hukum-e-Rab-e-Paak se
Hazrat-e-Jibrail ne jhanda wahan lehraaya hai
Chaar soo chhaayi hui thein kufr ki taareekiyan
Tum ne aa kar noor se sansar ko chamkaya hai
Joon hi aamad maah-e-meelad-e-mubarak ki hui
Ahl-e-iman jhoom uthe shitān ko gussa aya hai
Jab andhere ghar mein aaye noor se ghar bhar gaya
Gumshuda sui ko Bibi Ayesha ne paaya hai
Ae Khuda-e-do jahan ihsaan tera hai bara
Tu ne paida un ki ummat mein humein farmaya hai
Noor wale hum gunahgaron ke ghar bhi roshni
Aa ke kar do, noor tum ne har jagah phailaya hai
Apna jana aur hai un ka bulana hai digar
Khush naseebi un ki jin ko Shah ne bulwaya hai
Mujh ko dhaaras hai ghulam-e-Sayyid-e-Abrar hoon
Maswa palle mein mere kuch nahi sarmaya hai
Noor wale! ab khudara muskurate aaiye
Roshni ho qabar mein haaye! andhera chhaya hai
Sun le shaitan tu daba sakta nahi Attar ko
Do jahan mein is pe meethe Mustafa ka Saya hai