Noor Behta Ho Jahan Tishna Labi Kaise Ho

Noor behta ho jahan tishna labi kaise ho

Aap ke hotay huay teerah shabi kaise ho

Aap ka dor-e-bunawat to qayamat tak hai

Aap ke baad bhala koi nabi kaise ho

Aasmanon pe kahin zaat-e-Ilahi ke baad

Jo hamesha se chamakta ho kabhi kaise ho

Kaisi takhmin-e-khirad, koi bajuz Allah ke

Martaba dan-e-Rasool-e-Arabi kaise ho

Umar guzri hai isi khwahish-e-nam deeda mein

Un ke darbar mein apni talabi kaise ho

Be ijaazat mein chala jaon dar-e-aqdas par

Haalat-e-hosh mein ye be adabi kaise ho

Main gunahgar, siyah kar Madniye jaon

Mujh se aisi koi bhi bual ajabi kaise ho

Phail jana hai isay koh-e-nida tak Mansoor

Aag seene mein muhabbat ki dabi kaise ho