Naimatein Baantta Jis Samt Woh Zishan Gaya

Naimatein baantta jis samt woh Zishan gaya

Saath hi munshi-e-rahmat ka qalam daan gaya

Le khabar jald ke ghairon ki taraf dhyan gaya

Mere Mola mere Aqa tere qurban gaya

Aah woh aankh ke nakaam-e-tamanna hi rahi

Haaye woh dil jo tere dar se pur armaan gaya

Dil hai woh dil jo teri yaad se ma’moor raha

Sar hai woh sar jo tere qadmon pe qurban gaya

Unhein jaana unhein maana na rakha ghair se kaam

Lillahil hamd mein duniya se musalman gaya

Aur tum par mere Aqa ki inayat na sahi

Najdiyo! kalma parhanay ka bhi ehsaan gaya

Aaj le un ki panah aaj madad maang un se

Phir na maanenge qayamat mein agar maan gaya

Uf re munkir yeh badha josh-e-ta’assub aakhir

Bheed mein haath se kambakht ke imaan gaya

Jaan o dil hosh o khird sab to Madiney pahunche

Tum nahin chaltay Rizaa sara to samaan gaya