Na'ib-e-Qudrat Ke Noor-e-Ain Usman-e-Ghani

Na'ib-e-qudrat ke noor-e-ain Usman-e-Ghani

Jama' al-qur'an, Zu al-nurain Usman-e-Ghani

Hai sirat-e-isteqamat ki tarah tera wujud

Neki o isar ke ma'bain Usman-e-Ghani

Tera taqwa asman-e-sabr ko chhuta hua

Teri fa'yazi bohat bechain Usman-e-Ghani

Qurbat-e-Pai'ghambar-e-aali thi sarmaya tera

Taj hain mera, tere nalain Usman-e-Ghani

Karbala se ja mila tere lahu ka silsila

Tere darbanon mein the Hasnain Usman-e-Ghani

Main Muzaffar zat ke hujre mein ek jalta charagh

Aftab-e-matl-e-sharqain Usman-e-Ghani