Nabiyon Ke Nabi
Nabiyon Ke Nabi
Nabiyon ke Nabi
Ummi Laqbi
Konain ke wali
Main tera sawali
Kar mujh ko ata
Thodi si zia
Tare tire moti
Chanda teri thali
Ye kis ne kaha
Saya hi na tha
Mujh ko nazar aaya
Har suu tera saya
Jo tera hua
Rab us ka hua
Payi hai khudai
Jis ne tujhe paya
Ae Sarwar-e-Deen
Shab jis ki nahi
Bante wo sawera
Kamli teri kali
Saqi mera tu
Bhar mera suboo
Darya hoon ke jheelan
Sab teri sabeelan
Khursheed-e-Hira
Thokar se gira
Aahon ki tanaben
Dooree ki faseelan
Firdous mera
Roza hai tera
Palkon mein parode
Deewar ki jali
Mahboob-e-Khuda
Ae noor-e-Huda
Chamke mera seena
Ban jaye Madina
Karti hai ana
Ab teri sana
Is paar laga de
Lafzon ka safeena
Rakh mera bharam
De Shah-e-Umam
Hassan ki nazren
Awaaz Bilali
Bas ek yehi
Hasrat hai meri
Dil mout se pehle
Kuch tujh se bhi keh le
Bhadke jo talab
Ho dard ajab
Ab tera Muzaffar
Yaadon se na behle
Rehmat ki nazar
Ho jaye agar
Ban jaye gulistan
Sookhi hui daali