Nabi Sarwar-e Har Rasool O Wali Hai
Nabi Sarwar-e Har Rasool O Wali Hai
Nabi sarwar-e har rasool o wali hai
Nabi raaz daar-e ma' Allah li hai
Wo nami ke naam-e Khuda naam tera
Ro'uf o Raheem o Aleem o Ali hai
Hai baitaab jis ke liye arsh-e aazam
Wo us rahrow-e laamakan ki gali hai
Nakeerein karte hain ta'zeem meri
Fida ho ke tujh par ye izzat mili hai
Talaatum hai kashti pe toofaan-e gham ka
Ye kaisi hawaaye mukhalif chali hai
Na kyun kar kahoon ya Habeebi a-ghithni
Isi naam se har museebat ttali hai
Saba hai mujhe sarsar-e dasht-e Taiba
Isi se kali mere dil ki khili hai
Tire charon hamdam hain yak jaan yak dil
Abu Bakar Farooq Usman Ali hai
Khuda ne kya tujh ko aagaah sab se
Do aalam mein jo kuch khafi o jali hai
Karoon arz kya tujh se ae aalem al-sirr
Ke tujh par meri haalat-e dil khuli hai
Tamanna hai farmaaiye roz-e mahshar
Ye teri rihaai ki chitthi mili hai
Jo maqsad ziyaarat ka bar aaye phir to
Na kuch qasd kijeye ye qasd-e dili hai
Tire dar ka darbaan hai Jibreel-e aazam
Tira madah khwaan har nabi o wali hai
Shafa'at kare hashr mein jo Raza ki
Siwa tere kis ko ye qudrat mili hai