Naam Bhi Tera Aqeedat Se Liye Jata Hoon

Naam bhi tera aqeedat se liye jata hoon

Har qadam par tujhe sajday bhi kiye jata hoon

Koi duniya mein mera monis o ghamkhaar nahin

Teri rehmat ke sahare pe jiye jata hoon

Tere oosaaf mein ek wasf khata poshi hai

Is bhorose pe khataen bhi kiye jata hoon

Aazmaish ka mahal ho ke masarrat ka muqam

Sajda-e-shukar behr haal kiye jata hoon

Zindagi naam hai Allah pe mar mitne ka

Ye sabaq sare zamane ko diye jata hoon

Sabr karna hai teri shaan-e-kareemi ko azeez

Main yehi soch ke aansoo bhi piye jata hoon

Har ghari us ki raza paish-e-nazar hai iqbal

Shukar hai, ek saliqay se jiye jata hoon