Na Koi Aap Jesa Hai Na Koi Aap Jesa Tha

Na koi aap jesa hai na koi aap jesa tha

Koi Yusuf se pooche Mustafa ka husn kaisa tha

Zameen o Aasman mein koi bhi misaal na mili

Mawla ya salli wa sallim daaiman abada ala habeebika khairil khalqi kullihim

Daleel zindagi woh hain kamal bandagi woh hain

Koi bhi daur ho us mein meraaj aadmi woh hain

Wohi to deen o duniya hain jo baatein aap ne kahin

Mawla ya salli wa sallim daaiman abada ala habeebika khairil khalqi kullihim

Koi bhi baat ho har hukam unka motabar aisa

Ke unka haan nahi kehna bhi hai Quran ke jaisa

Hadees e pak kahlayein jo baatein aap ne kahin

Mawla ya salli wa sallim daaiman abada ala habeebika khairil khalqi kullihim

Durood un par salam un par yahi kehna Khuda ka hai

Khuda ke baad jo hai martaba sale ala ka hai

Wohi sardar e aalam hain woh ghamkhwar e ummat hain

Wohi to hashr ke maidan mein sab ki shafaat hain

Shafaat ke liye sab ki nazar un par lagi hogi.

Mawla ya salli wa sallim daaiman abada ala habeebika khairil khalqi kullihim