Na Khauf Hai Na Koi Iztirab Mola Ali

Na khauf hai na koi iztirab Mola Ali

Tere karam ka hai sar par sahab Mola Ali

Thi khwab gah-e-Nabi pur khatar shab-e-hijrat

Magar sukoon se they mehve khwab Mola Ali

Mile to surma bananon mein apni aankhon ka

Tumhari raah guzar ki turab Mola Ali

Mehza-e-jang mein aaqa ke saath saath rahe

Ho tum rafeeq-e-risalat maab Mola Ali

Ye qoul-e ‘La fata illa Ali’ muslim hai

Nahi hai koi tumhara jawab Mola Ali

Sawal aisa nahi jis ne la jawab kiya

Diya hai aap ne sab ka jawab Mola Ali

Chale sawari sar e hashr aap ki jis dam

Banaon shanon ko apne rikab Mola Ali

Shafeeq fateh-e-khaibar khitab kis ka hai

Hai is sawal ka seedha jawab Mola Ali