Na Kahin Se Door Hain Manzilen Na Koi Qareeb Ki Baat Hai

Na kahin se door hain manzilen na koi qareeb ki baat hai

Jise chahen us ko nawaz den ye dar-e-Habeeb ﷺ ki baat hai

Jise chaaha dar pe bula liya, jise chaaha apna bana liya

Ye bade karam ke hain faisle, ye bade naseeb ki baat hai

Wo Khuda nahi, bakhuda nahi, magar wo Khuda se juda nahi

Wo hain kya magar wo kya nahi ye mohib-e-Habeeb ﷺ ki baat hai

Wo machhal ke raah mein reh gayi, ye tadap ke dar se lipat gayi

Wo kisi ameer ki aah thi, ye kisi ghareeb ki baat hai

Tujhe ae manawwar-e-be-nawa dar-e-Shah se chahiye aur kya

Jo naseeb ho kabhi saamna to bade naseeb ki baat hai.