Na Arsh-e-Aiman Na Inni Zaahibun Mein Mehrbani Hai
Na Arsh-e-Aiman Na Inni Zaahibun Mein Mehrbani Hai
Na arsh-e-aiman na inni zaahibun mein mehrbani hai
Na lutf udno ya ahmad naseeb lan taraani hai
Naseeb-e-dostan gar un ke dar par maut aani hai
Khuda yun hi kare phir to hamesha zindagani hai
Usi dar par tadapte hain machalte hain bilakte hain
Utha jata nahin kya khoob apni natwani hai
Har ik deewar o dar par mehr ne ki hai jabeen saai
Nigaar-e-masjid-e-aqdas mein kab sone ka paani hai
Tere mangta ki khamoshi shafaat khwah hai us ki
Zuban-e-bezubani tarjumaan-e-khasta jaani hai
Khule kya raaz-e-mahboob o mohib mastaan-e-ghaflat par
Sharab qad ra'al-haq zeib-e-jam-e-man raani hai
Jahan ki khaakrobi ne chaman aara kiya tujh ko
Saba hum ne bhi un galiyon ki kuch din khaak chaani hai
Shaha kya zaat teri haq numa hai fard-e-imkan mein
Ke tujh se koi awwal hai na tera koi saani hai
Kahan is ko shak-e-jaan-e-jinaan mein zar ki naqashi
Iram ke tair-e-rang-e-pareeda ki nishani hai
Zi'abun fi si'abun lab pe kalma dil mein gustakhi
Salaam-e-islam mulhid ko keh tasleem-e-zabani hai
Ye aksar saath un ke shana o miswaak ka rehna
Batata hai ke dil reshon pe zaid meharbani hai
Isi sarkar se duniya o deen milte hain sa'il ko
Yehi darbar-e-aali kanz amaal o amaani hai
Durooden soorat-e-haala muheet-e-maah-e-taiba hain
Barasta ummat-e-aasi pe ab rehmat ka paani hai
Ta'ala Allah istaghna tere dar ke gadaon ka
Ke in ko aar furosho shaukat sahibe qurani hai
Wo sar garm-e-shafaat hain araq afshaan hai peshaani
Karam ka itr sandal ki zameen rehmat ki ghani hai
Ye sar ho aur wo khaak-e-dar wo khaak-e-dar ho aur ye sar
Raza wo bhi agar chahen to ab dil mein ye thani hai