Na Aasmaan Ko Yun Sar-kashida Hona Tha
Na Aasmaan Ko Yun Sar-kashida Hona Tha
Na aasmaan ko yun sar-kashida hona tha
Huzoor-e-khaak-e-Madina khamida hona tha
Agar gulon ko khizaan naarsida hona tha
Kinaar-e-khaar-e-Madina dameeda hona tha
Huzoor un ke khilaaf-e-adab thi betaabi
Meri umeed! tujhe aarmeeda hona tha
Nazaara khaak-e-Madina ka aur teri aankh
Na isqadr bhi qamar shokh deeda hona tha
Kinaar-e-khaak-e-Madina mein raahtein milti
Dil-e-hazeen! tujhe ashk chakeeda hona tha
Panaah-e-daaman-e-dasht-e-haram mein chain aata
Na sabr dil ko ghazal-e-rameeda hona tha
Ye kaise khilta ke unke siwa shafi nahi
Abas na auron ke aage tapida hona tha
Hilaal kaise na banta ke maah-e-kaamil ko
Salaam-e-abroo-e-shah mein khamida hona tha
La-amla-anna jahannam tha wa'ade-e-azali
Na munkiron ka abas bad-aqeeda hona tha
Naseem kyun na shameem un ki taiba se laati
Ke subh-e-gul ko garebaan dareeda hona tha
Tapakta rang-e-junoon ishq-e-shah mein har gul se
Rag-e-bahar ko nishter raseeda hona tha
Baja tha arsh pe khaak-e-mazaar-e-paak ko naaz
Ke tujhe sa arsh nasheen aafreeda hona tha
Guzarte jaan se ek shor "Ya Habeeb" ke saath
Fughan ko naala-e-halq bureeda hona tha
Mere Kareem gunaah zehar hai magar aakhir
Koi to shehad-e-shafaat chasheeda hona tha
Jo sang-e-dar pe jabeen saiyon mein tha mitna
To meri jaan sharaar-e-jaheeda hona tha
Tere qaba ke na kyun neeche neeche daaman hon
Ke khaaksaron se yaan kab kasheeda hona tha
Raza jo dil ko banana tha jalwa gaah-e-Habeeb
To pyaare qaid khudi se raheeda hona tha