Muyassar Jin Ko Deed Gumbad-e-khazra Nahi Hoti

Muyassar jin ko deed gumbad-e-khazra nahi hoti

Kabhi un ki nigah’on mein jila paida nahi hoti

Baqadr zarf har ek ko yahan khairat milti hai

Yahan koi tameez banda o aaqa nahi hoti

Dua ke lafz hont’on se besad mushkil nikalte hain

Muwajah par adab ki kefiyat kya kya nahi hoti

Nigah’on ke liye laazim hai idraak mohabbat bhi

Baghair is ke koi bhi aankh ho beena nahi hoti

Na jab tak khaas nisbat ho shehanshah do aalam ﷺ se

Haqeeqat koi bhi dil ke ufaq par wa nahi hoti

Ghulam Syed Kainat ﷺ ka kya poochhna Hafiz

Koi alam guzar jaye usay parwa nahi hoti