Mustafaa Jaan-e-Rehmat Pe Laakhon Salaam
Mustafay Jaan-e-Rehmat Pe Laakhon Salaam
Mustafay jaan-e-rehmat pe laakhon salaam
Jaan-e-jaanaan rehmat pe laakhon salaam
Sidrat-ul-muntaha-e-karam par durood
Koh-e-faran-e-rehmat pe laakhon salaam
Chahti hai jo qurb-e-Khuda zindagi
Bhej Qur'an-e-rehmat pe laakhon salaam
Baab-e-kownain, dheebacha-e-roz o shab
Sharah-e-unwan-e-rehmat pe laakhon salaam
Afu par us ke khud afu ko naaz hai
Shoq o armaan-e-rehmat pe laakhon salaam
Faqr ki kaali kamli mein lytay hue
Shah Sultan-e-rehmat pe laakhon salaam
Saari duniyaon ke sar parast aap hain
Sadr aywan-e-rehmat pe laakhon salaam
Jo mere chashm o dil ki hifazat kare
Us nigahban-e-rehmat pe laakhon salaam
Jis ki khushbuu azal se abad tak gayi
Us gulistan-e-rehmat pe laakhon salaam
Aisa mansab kisi ko mayassar nahi
Azmat o shan-e-rehmat pe laakhon salaam
Har ada ilm o ikhlaaq ki inteha
Ishq o imaan-e-rehmat pe lakhon salaam