Mujhe Kya Aitmad Alfaaz Ki Jadu Gari Par Hai

Mujhe kya aitmad alfaaz ki jadu gari par hai

Teri tausif ek ehsan meri shairi par hai

Tere darbar se kuch maangna gar kufr tehra hai

To main kafir hun mujh ko naaz apni kafiri par hai

Teri rif'at tafakkur ki hudood-e-fahm se bala

Tera irfaan tanz-e-mustaqil danishwari par hai

Sarapa naaz ho kar bhi niaz-e-ishq ke sajde

Khuda ko fakhr bas tere khuloos-e-dilbari par hai

Sala-e-aam hai woh nabz-e-hasti tham le aakar

Jo koi mu'tariz aaqa teri charagari par hai

Mujhe taskheer-e-Yazdan ka amal maloom hai Mansoor

Karam khak-e-madinah ka meri deeda wari par hai