Mujh Khata Kaar Sa Insaan Madeene Mein Rahe

Mujh khata kaar sa insaan Madeene mein rahe

Ban ke Sarkarؐ ka mehmaan Madeene mein rahe

Yaad aati hai mujhe Ahl-e-Madina ki yeh baat

Zinda rehna ho to insaan Madeene mein rahe

Allah Allah sar afraazi-e-sahraye Hijaz

Saari makhlooq ka Sultan Madeene mein rahe

Door reh kar bhi uthata hoon huzoori ke maze

Main yahan aur meri jaan Madeene mein rahe

Yun ada karte hain ishqaq mohabbat ki namaz

Sajda Kaabe mein ho aur dhyaan Madeene mein rahe

Un ki shafqat gham-e-konnain bhula deti hai

Jitne din Aapؐ ka mehmaan Madeene mein rahe

Chhor aaya hoon dil-o-jaan yeh keh kar Aazm

Aa raha hoon, mera saamaan Madeene mein rahe