Mujda-e-rehmat-e-haq Hum Ko Sunane Wale

Mujda-e-rehmat-e-Haq hum ko sunane wale

Marhaba aatish-e-dozakh se bachane wale

Jitne Allah ne bheje hain Nabi duniya mein

Teri aamad ki khabar sab hain sunane wale

Mujh se nashad ko pohncha de dar-e-Ahmed tak

Mere Khaliq mere bichr ron ke milane wale

Dil-e-weerana-e-aashiq ko bhi kijiye abad

Mere mahboob Madine ke basane wale

Koi pohncha na Nabi rutba-e-aali ko tere

Marhaba! Khuld ki zanjeer hilane wale

Baad mardan mujhe dikhlayenge jalwa apna

Qabar teera mein mere sham'a dikhane wale

Qabar mein aap ko dekha to Raza ne ye kaha

Dekhiye! aaye wo mardon ko jalane wale