Muammad Mustafa Aaye Baharon Par Bahar Aayi

Muammad Mustafa aaye baharon par bahar aayi

Zamin ko choomne jannat ki khushboo bar bar aayi

Janab Amina ka chand jab chamka zamane mein

Qamar ki chandni qadmon pe hone nisaar aayi

Haleema do jahan qurban hon tere muqaddar par

Tere kachay se ghar mein rehmat parwardigar aayi

Jabhi to hai mehak uthi ye alam ki faza saari

Hai gesu choom kar un ke naseem khushgawar aayi

Bari mayoos thi daai Haleema jab gayi Makay

Magar aayi to le kar do jahan ka tajdar aayi

Wo aaye to mana di ho gayi Saem zamane mein

Bahar aayi bahar aayi bahar aayi bahar aayi