Momin Wo Hai Jo Unn Ki Izzat Pe Mare Dil Se
Momin Wo Hai Jo Unn Ki Izzat Pe Mare Dil Se
Momin wo hai jo unn ki izzat pe mare dil se
Tazim bhi karta hai najdi to mare dil se
Wallah wo sun lenge faryaad ko pohchain ge
Itna bhi to ho koi jo aah kare dil se
Bichhri hai gali kesi bigri hai bani kesi
Poocho koi ye sadma arman bhare dil se
Kya us ko girae daher jis par tu nazar rakhe
Khaak us ko uthae hashr jo tere gire dil se
Behka hai kahan majnoon le dali banon ki khaak
Dam bhar na kiya khema laila ne pare dil se
Sone ko tapayein jab kuch meel ho ya kuch mail
Kya kam jahannum ke dhare ko khare dil se
Aata hai dar wala yun zauk-e-tawaf aana
Dil jaan se sadqe ho sar gird phire dil se
Ae abr-e-karam faryaad faryaad jala daala
Is sozaish-e-gham ko hai zid mere hare dil se
Darya hai charha tera kitni hi urain khaak
Utren ge kahan mujrim ae afu tere dil se
Kya jaanein yim gham mein dil doob gaya kaisa
Kis teh ko gaye arman ab tak na tire dil se
Karta to hai yaad unn ki ghaflat ko zara roke
Lillah Raza dil se haan dil se are dil se