Miri Manzilat Miri Aabru Na Sukhan Se Hai Na Qalam Se Hai

Miri manzilat miri aabru na sukhan se hai na qalam se hai

Miri rah mein hai jo roshni woh tire nishan-e qadam se hai

Mujhe dard apna agar diya to sukun bhi to ne ata kiya

Tujhe chahne ka shaoor bhi tire pyar tire karam se hai

Jab is aaine pe nazar pari to mujhe basharat-e Haq mili

Rukh-e Mustafa se bhi hai wohi jo lagao shama Haram se hai

Mera dil jo tire huzoor ho miri pyaas gharq-e suroor ho

Miri kasht ishq hari bhari lab-e khushk o deedah-e nam se hai

Miri rooh teri ghulam bhi ye azal se hi tire naam thi

Main yahan hi tera nahi hua mera tujh se rabt adam se hai

Rag-e jaan se hai jo qareeb tar woh Khuda hai baad Khuda magar

Koi sath hai jo qadam qadam to usi ki chaap qasam se hai