Midhat-e-shafie Mahshar Pe Muqarar Rakha

Midhat-e-shafie mahshar pe muqarar rakha

Mere malik ne mere bakht ko yaawar rakha

Maine khaak dar-e-hassaan ko surma jaana

Aur aik aik sabaq naat ka azbar rakha

Maine Qur'an ki tafseer mein seerat ko parha

Noor ko daira noor ke andar rakha

Noor-e-mutlaq ne ise khalq kiya khalq se qabl

Moasab kaar-e-risalat mein mokhar rakha

Mani-e-ajr-e-risalat ko samajhne ke liye

Zair-e-nigraani salman wa abu zar rakha

Khatmiyat ka sharaf aap ko bakhsha aur phir

Aap ki dastaras-e-khaas mein kausar rakha

Jis kisi ne bhi kabhi shan mein gustakhi ki

Abad aabad tak is shakhs ko abtar rakha

Takhti likhi to isi naam se aaghaz kiya

Jis ko mabood ne har naam se oopar rakha

Umar bhar thokrein khata na phirun shehr ba shehr

Aik hi shehr mein aur aik hi dar par rakha