Meri Har Sans Par Us Ki Mehr Nazar
Meri Har Sans Par Us Ki Mehr Nazar
meri har sans par us ki mehr nazar
mere honton par khilta hua bhi wahi
saath bhi us ke hon us ko tae bhi karun
qafila bhi wahi rasta bhi wahi
raz hasti un ankhon se zahir hua
iftitah jahan us ki khatir hua
khakdan ke ilm us ke naqsh-e-qadam
sidra-e-sidratal muntaha bhi wahi
qoul tehqiq hai fiel tasdeeq hai
kyun na ho ilm ka wo ataleeq hai
is ka ummi laqab aur sarapa adab
falsafi bhi wahi falsafa bhi wahi
kitne logon ka ehsa'n hai tareekh par
aisa insaan koi dikhaye magar
sar pe baar sitam sang basta shikam
sari duniya ka farmanrava bhi wahi
roshni azal ka hawala bhi wo
matla akhri ka ujala bhi wo
waqt aur fasle is ke mehvar tale
la makani ka jogarafiya bhi wahi
poori insaniyat us ki mamnoon hai
wo adalat hai munsif hai qanun hai
muslih har zamaan be amaan ki amaan
murdah ruhon ka darul-shifa bhi wahi
fikar hai aqibat ki muzaffar agar
jis pe aqa chale chal usi raah par
jis mein hogi raza-e-sheh anbiya
hukam sadar kare ga khuda bhi wahi