Mere Syed O Sarwar Ae Habeeb Rabbani

Mere Syed o Sarwar ae Habeeb Rabbani

Har tarah se tu aala har tarah se lasani

Mein ke hon tera banda mujh ko bhi ata kar de

Apni woh mohabbat jo hashr tak ho lafani

Tere hijr mein rona bhi to ab nahin bas mein

Khushk ho chuka aaqa meri aankh ka pani

Chahye to agar Aaqa ye fiza badal jaye

Is qadar nahin dekhi izzaton ki arzani

Kainat paida ki Rab ne teri hi khatir

Har kahin, jidhar dekhun, teri jalwa samani

Chahata to hoon sab kuch tujh par mein karun qurbaan

Mere paas hi kya hai doon mein jis ki qurbani

Sakht kashmakash mein hoon, sirf aas hai teri

Ek tu hi apna hai, khalq sari begaani