Mere Kamli Wale Ki Shan Hi Nirali Hai

Mere kamli wale ki shan hi nirali hai

Do jahan ke data hain sara jag sawali hai

Khuld jis ko kehte hain meri dekhi bhali hai

Sabz sabz gunbad hai aur sunehri jali hai

Chhaon mehki mehki hai dhoop thandi thandi hai

Shehar Mustafa ﷺ teri baat hi nirali hai

Woh Bilalؓ Habshi hon ya Owais Qarni hon

Un ﷺ pe marne walon ki har ada nirali hai

Har taraf Madine mein bheer hai faqiron ki

Ek dene wala hai kul jahan sawali hai

Qabar ke andhere ka aye Saeed kya khatra

Shama Mustafai se maine lo laga li hai