Mera To Sab Kuchh Mera Nabi Hai
Mera To Sab Kuchh Mera Nabi Hai
Mera to sab kuchh mera Nabi hai
Siyahiyan mujh mein daagh mujh mein
Jalein usi ke charagh mujh mein
Asaasa qalb o jaan wohi hai
Mira to sab kuchh mira Nabi hai
Mire gunahon pe us ka parda
Woh mera emrooz mera farda
Zameer par hashiyey usi ke
Shaoor bhi us ka waza kardah
Woh mera eeman mira teequn
Woh mera paimana e tamaddun
Woh mera meeyar zindagi hai
Mira to sab kuchh mira Nabi hai
Woh meri manzil bhi humsafar bhi
Woh samne bhi pas e nazar bhi
Wohi mujhe door se pukare
Usi ki parchhai rooh par bhi
Woh rang mera duh meri khushboo
Main us ki muthi ka ek jugnoo
Woh mere andar ki roshni hai
Mira to sab kuchh mira Nabi hai
Usi ke qadmoun mein rah meri
Usi ki pyasi hai chah meri
Usi ki mujrim meri khaian
Usi ki rehmat gawah meri
Usi ka gham mujh ko saath rakhe
Wohi mire dil pe hath rakhe
Woh dard bhi hai sukoon bhi hai
Mira to sab kuchh mira Nabi hai
Azal ke chehre pe noor us ka
Zahoor e alam zahoor us ka
Khud us ki awaaz guftah e haq
Khud us ki tanhai toor us ka
Bohat se aali maqam aaye
Khuda ke baad us ka naam aaye
Woh awaleen hai woh aakhri hai
Mira to sab kuchh mera Nabi hai
Na mujh se bar e amal uthe ga
Na uzoo hi koi saath de ga
Agar kahe ga to roz e mahshar
Khuda use mira Nabi kahe ga
Siyahiyan daagh saaf karde
Use bhi Maula maaf karde
Ye mera aashiq hai Warisi hai
Mira to sab kuchh mira Nabi hai