Mera Gada Mera Mangta Mera Gulam Aaye

mera gada mera mangta mera gulam aaye

khuda kare kabhi taiba se yeh payam aaye

darood syed-e-kawnain ke waseele se

meri zuban pe aaqa tera naam hi naam aaye

mera gada mera mangta mera gulam aaye

khuda kare kabhi taiba se yeh payam aaye

mein is yaqeen se aaya hoon un ke roze se

woh phir kahenge ke wapas mera gulam aaye

ghulam-e-zahra hoon mein to Ali ka naukar hoon

hamesha panjti nisbat hi mere kaam aaye

mein dekhta hi rahoon bas tumhare roze ko

janab-e-zahra ka sadqa koi aisi sham aaye

mera gada mera mangta mera gulam aaye

khuda kare kabhi taiba se yeh payam aaye