Mera Dil Aur Meri Jaan Madine Wale

Mera dil aur meri jaan Madine wale

Tujh pe so jaan se qurbaan Madine wale

Baaes arz o sama sahib e lolaak lama

Ain Haq soorat e insaan Madine wale

Bhar de bhar de mere daata meri jholi bhar de

Ab na rakh be sar o samaan Madine wale

Kal ke matloob ka mahboob hai mashooq hai tu

Allah Allah re teri shaan Madine wale

Arrre aati hai teri zaat har ek dukhya ke

Meri mushkil bhi ho aasaan Madine wale

Phir tamanaaye ziyaarat ne kiya dil bechain

Phir Madine ka hai armaan Madine wale

Dil bhi mushtaaq shahaadat hai kamanndaar e Arab

Is taraf bhi koi paikan Madine wale

Tera dar chhod ke jaaun tou kahaan jaaun main

Mere aaqa mere sultaan Madine wale

Sagh e Tayyaba mujhe sab keh ke pukarein Baidam

Yahi rakhein meri pehchaan Madine wale