Ma'ni Harf-e-Kun
Ma'ni Harf-e-kun
Ma'ni harf-e-kun
Masdar bekh-o-bun
Mushaf lam yazal
Pesh-lafz azal
Jumla ikhtitam
Tujh par lakhon salam
Fikr kya jo tasawwur ki had mein na aaye
Woh khuda jo girift khuro mein na aaye
Us se parda nahi
Us ka toh hum nasheen
Us se to hum kalam
Tujh pe lakhon salam
Kya ehata karoon mein teri zaat ka
Tu hai dulha zamane ki baraat ka
Matla har tabaq
Har sehar ki shafaq
Har sadi ke imam
Tujh pe lakhon salam
Gharq teri muhabbat mein jo dil nahi
Us ka imaan, imaan-e-kamil nahi
Teri chahat ki khair
Tujh ko chahe baghair
Mujh pe jeena haram
Tujh pe lakhon salam
Hont jab muttasil hon tere ism se
Roshni phoot'ti hai mere jism se
Yun teri mash'alen
Mere andar jalen
Jagmagaon tamaam
Tujh pe lakhon salam
Sare Quran ko teri gawahi kahoon
Ya tujhe hi kitaab-e-ilaki kahoon
Tu nisaab-e-karam
Aman tera ilm
Adl tera nizaam
Tujh pe lakhon salam
Jannat fikr mein zehen rehne laga
Main ghazal go teri naat kehne laga
Tera ehsaan hai
Meri pehchaan hai
Ab faqat tera naam
Tujh pe lakhon salam