Mamnoon-e-karam Jis Ka Arab Bhi Hai Ajam Bhi

Mamnoon-e-karam jis ka arab bhi hai ajam bhi

Roshan hai isi shama-e-hidayat se haram bhi

Mahdood nahi aap ﷺ ka in'aam gada tak

Hain muntazir jood o karam ahl-e-karam bhi

Is raah mein takfeer ki aandhi nahi uthti

Hain un ﷺ ke ghulamon ke jahan naqsh-e-qadam bhi

Qismat ke dhani hain jo madine mein pare hain

Aey kaash unhein khuld nasheenon mein hon hum bhi

Allah re tauqeer-e-rah sarwar-e-konain ﷺ

Aate hain isi raah mein hasti bhi adam bhi

Ya Shah-e-umam ﷺ ashk-e-aqeedat ke ilawa

Hasrat ko mile azmat-e-qartas o qalam bhi