Main To Panjtan Ka Ghulam Hun
Main To Panjtan Ka Ghulam Hun
Main to Panjtan ka ghulam hun
Main mureed-e-khair-ul-anam hun
Mujhe ishq sarv-o-saman se hai
Mujhe ishq sare chaman se hai
Mujhe ishq un ki gali se hai
Mujhe ishq un ke watan se hai
Mujhe ishq hai to Aliؑ se hai
Mujhe ishq hai to Hasanؑ se hai
Mujhe ishq hai to Hussainؑ se
Mujhe ishq Shah-e-Zaman se hai
Mera she’r kya mera zikr kya
Meri baat kya meri fikr kya
Meri baat un ke sabab se hai
Mera she’r un ke adab se hai
Mera zikr un ke tufeil se
Meri fikr un ke tufeil se
Kahan mujh mein itni sakat bhala
Ke ho manqabat ka bhi haqq ada
Hua kaise tan se woh sar juda
Jahan ishq ho wohin Karbala
Meri baat un hi ki baat hai
Mere samne wohi zat hai
Wohi jin ko sher-e-Khuda kahein
Jinhein Baab-e-Sall-e-ala kahein
Wohi jin ko Aal-e-Nabi kahein
Wohi jin ko zat-e-Aliؑ kahein
Wohi pukhta hain main to khaam hun
Main to Panjtan ka ghulam hun
Mujhe ishq hai to Khuda se hai
Mujhe ishq hai to Rasool ﷺ se
Ye karam hai hub-e-Batool ka
Mere munh se aaye mahak sada
Jo main naam loon tera jhoom ke
Main to Panjtan ka ghulam hun
Main Qamar ho Saghar be-nawa
Meri haisiyat hi bhala hai kya
Woh hain badshahon ke badshah
Main hoon un ke dar ka adna gada
Mera nisbatoon ka hai silsila
Mera Panjtan se hai wasta