Main Lab Kusha Nahin Hoon Aur Mehwo Iltija Hoon
Main Lab Kusha Nahin Hoon Aur Mehwo Iltija Hoon
Main lab kusha nahin hoon aur mehwo iltija hoon
Main mehfil e haram ke adaab jaanta hoon
Un ko agar na chahoon to aur kis ko chahoon
Jo hain khuda ke pyare main un ko chahta hoon
Aisa koi musafir shayad kahin na hoga
Dekhe baghair apni manzil se aashna hoon
Koi to aankh wala guzre ga is taraf se
Tayba ke raste mein, main muntazir khara hoon
Yeh roshni si kya hai, khushboo kahan se aai?
Shayad main chalte chalte rozay tak agaya hoon
Tayba ke sab gada gar pehchaante hain mujh ko
Mujh ko khabar nahin thi main is qadar bara hoon
Doori o hazri mein ek baat mushtarak hai
Kuch khwab dekhta tha, kuch khwab dekhta hoon
Iqbal mujh ko ab bhi mehsoos ho raha hai
Rozay ke samne hoon aur naat parh raha hoon