Mahboob Ki Mehfil Ko Mahboob Sajate Hain
Mahboob Ki Mehfil Ko Mahboob Sajate Hain
Mahboob ki mehfil ko mahboob sajate hain
Aate hain wahi jin ko sarkar bulate hain
Woh log khuda shahid qismat ke sikandar hain
Jo sarwar e aalam ka milaad manate hain
Mehkharro zara jaana mekhana e sarwar mein
Woh jaam e karam ab bhi bhar bhar ke pilate hain
Sarkar ki rehmat ka andaza nahi in ko
Jo hum ko jahannum se din raat darate hain
Jin ka bhari duniya mein koi bhi nahi wali
Un ko bhi mere aaqa seene se lagate hain
Daaman e kareemi ki wusat to zara dekho
Mujh jese nikamme ko kamli mein chhupate hain
Un logon ki azmat ka Allah bhi zakir hai
Gun aap ki azmat ke din raat jo gaate hain
Jo shah e Madina ko laaj paal samajhte hain
Daaman e talab bhar kar mehfil se woh jaate hain
Is aas pe jeeta hoon keh de koi yeh aakar
Chal tujh ko Madine mein Sarkar bulate hain
Allah ke khazanon ke maalik hain Nabi sarwar
Yeh sach hai Niazi hum sarkar ka khate hain