Madine Ka Safar Hai Aur Main Nam Dida Nam Dida

Madine ka safar hai aur main nam dida nam dida

Jabeen afsurda afsurda qadam lagzeeda lagzeeda

Chala hoon aik mujrim ki tarah main janib-e-taiba

Nazar sharminda sharminda, badan larzeeda larzeeda

Kisi ke hath ne mujh ko sahara de diya warna

Kahan main aur kahan ye raste pecheeda pecheeda

Ghulaman-e-Muhammad ﷺ door se pehchane jate hain

Dil garweeda garweeda, sar shoreeda shoreeda

Kahan main aur kahan is roza e aqdas ka nazara

Nazar us simt uthti hai magar dazdida dazdida

Madine ja ke hum samjhe taqaddus kis ko kehte hain

Hawa pakeeza pakeeza, fiza sanjeeda sanjeeda

Basarat kho gayi lekin baseerat to salamat hai

Madina hum ne dekha hai magar nadida nadida

Wohi Iqbal jis ko naz tha kal khush mizaji par

Firaq-e-taiba mein rehta hai ab ranjeeda ranjeeda