Lutf Un Ka Aam Ho Hi Jae Ga
Lutf Un Ka Aam Ho Hi Jae Ga
Lutf un ka aam ho hi jae ga
Shaad har nakaam ho hi jae ga
Jaan de do waada-e-deedaar par
Naqd apna daam ho hi jae ga
Shaad hai firdous yaani aik din
Qismet-e-khuddam ho hi jae ga
Yaad reh jae gi ye bebasakiaan
Nafs tu tu raam ho hi jae ga
Be-nishanon ka nishaan mitta nahi
Mitte mitte naam ho hi jae ga
Yaad-e-gesu zikr-e-haq hai aah kar
Dil mein paida laam ho hi jae ga
Aik din aawaaz badlenge ye saaz
Chehcha ha kehraam ho hi jae ga
Saailo! daman sakhi ka thaam lo
Kuch na kuch inaam ho hi jae ga
!Yaad abru kar ke tarpo balbalo
Tukre tukre daam ho hi jae ga
Muflaso! un ki gali mein ja paro
Bagh-e-khulad ikraam ho hi jae ga
Gar yuhunhi rehmat ki taweelein rahein
Madh har ilzaam ho hi jae ga
Baadah khaari ka samaa bandhne to do
Shaikh durd aasham ho hi jae ga
Gham to un ko bhul kar lipta hai yun
Jaise apna kaam ho hi jae ga
Mitt! ke gar yuhunhi raha qarz-e-hayaat
Jaan ka neelaam ho hi jae ga
Aaqilo! un ki nazar seedhi rahe
Buron ka bhi kaam ho hi jae ga
Ab to laai hai shafaat afu par
Barhte barhte aam ho hi jae ga
Ae Raza! har kaam ka ek waqt hai
Dil ko bhi aaraam ho hi jae ga