Lutae Sajde Na Kyun Aasmaan Madine Mein

Lutae sajde na kyun aasmaan Madine mein

Rasool-e-Pak ka hai aastaan Madine mein

Qadam barrhae chalo rahrowan-e-manzil shauq

Hai abr-e-rahmat-e-Haq gulfashaan Madine mein

Dar-e-Rasool ke zarroon ki gar talaash nahi

To kis ko dhondhti hai kahkashaan Madine mein

Bahisht cheez hi kya hai ke aik sajde mein

Humein to mil gaye dono jahan Madine mein

Qadam uthae adab se zara naseem-e-sehar

Hain mehve khwab shah-e-do jahan Madine mein

Madine jate hain peeri mein log sab Akhtar

Maza hai kaat do umr-e-jawaan Madine mein