Lab Pe Sall-e Ala Ke Taranay Ashk Aankhon Mein Aaye Hue Hain

Lab pe sall-e ala ke taranay ashk aankhon mein aaye hue hain

Yeh hawa yeh fiza keh rahi hai aaqa tashreef laaye hue hain

Jin ki khatir yeh aalam banaya apne ghar jin ko Rab ne bulaya

Aye Haleema yeh tera muqaddar woh tere ghar mein aaye hue hain

Kaise keh doon woh haazir nahin hain kaise manoon yeh mumkin nahin hai

Is se barh kar saboot aur kya ho woh tasawwur mein aaye hue hain

Aaj poori hui dil ki hasrat kyun na jee bhar ke kar loon ziarat

Qabr mein aye farishto na aana mere Sarkar aaye hue hain

Naam Nabi yon ke be shak baray hain azmaton ke nageene juday hain

Muqtadi ban ke peeche kharay hain woh jo pehle se aaye hue hain

Main Madine ki galiyon ke qurban jin se guzray hain Shah-e-Madina

Is tarah se mehek te hain raste 'itr jaise lagaye hue hain

Chhod kar dar badar ka thikana aye Kamal un ke dar pe hai jana

Hum se laakhon buron ko jo apna khaas mehmaan banaye hue hain