Kyun Aqeedat Se Na Mera Dil Pukare Ya Ali
Kyun Aqeedat Se Na Mera Dil Pukare Ya Ali
Kyun aqeedat se na mera dil pukare ya Ali
Jis ke hain Maula Muhammad (ﷺ), us ke hain Maula Ali
Jis ghari Allah ke ghar mein hue peda Ali
Zarra zarra ba-adab ho kar pukara, ya Ali
Be-nazir unki shujaat, be-misaal un ki sakha
Hai zamane ka ye naara la fata illa Ali
Jaan nasaran-e-Muhammad (ﷺ) ke kai alqaab hain
Ilm ka darwaza kehlaye magar, tanha Ali
Marhab o Antara gire jis ke khudai zor se
Mard-e-Haq, Sher-e-Khuda, Khaibar kasha, Maula Ali
Shah-e-marda, quwat-e-bazu Rasul Allah ke
Kyun bhala hote kisi maidan mein paspa Ali
Jaan o dil se the aziz, Allah ke Mehboob (ﷺ) ko
Shabbar o Shabbir o Hazrat Fatima Zahra, Ali
Aa gayin naqsh o nigar-e-zindagi mein ronaqe
Sadiq niyat se jo loh-e-dil pe likha ya Ali
Khaibar o Khandaq mein dushman ka safaya kar diya
Johar-e-mardangi dikhla gaye kya kya Ali
Jurrat o himmat mein tum ho aap hi apna jawab
Madar-e-geeti na peda kar saki tum sa Ali
Dil girifta hoon gham o aalam ki yalgar se
Is taraf bhi ik nazar ho ae mere aaqa, Ali
Jin ke chehre par nazar karna ibadat hai Naseer
Wo hadees-e-Mustafa (ﷺ) ki roo se hain, Maula Ali