Kya Theek Ho Rukh-e-nabvi Par Misal-e-gul
Kya Theek Ho Rukh-e-nabvi Par Misal-e-gul
Kya theek ho rukh-e-nabvi par misal-e-gul
Paamaal jalwa-e-kaf-e-paa hai jamaal-e-gul
Jannat hai un ke jalwa se joya-e-rang o boo
Ae gul hamare gul se hai gul ko sawaal-e-gul
Un ke qadam se sil'a-e-ghaali hui jinaan
Wallah mere gul se hai jaah o jalaal-e-gul
Sunta hoon ishq-e-shah mein dil ho ga khoon fishan
Yarab ye mujda sach ho mubarak ho f aal-e-gul
Bulbul haram ko chal gham-e-faani se faida
Kab tak kahegi haaye wo ghanj o dalaal-e-gul
Ghamgeen hai shauq-e-ghazah-e-khaak-e-madina mein
Shabnam se dhul sake gi na gard-e-malaal-e-gul
Bulbul ye kya kaha main kahan fasl-e-gul kahan
Umeed rakh ke aam hai jood o nawal-e-gul
Bulbul! ghira hai abr wala mujda ho ke ab
Gir'ti hai aashiyana pe barq-e-jamaal-e-gul
Yarab hara bhara rahe daagh-e-jigar ka bagh
Har mah mah-e-bahar ho har saal saal-e-gul
Rang-e-musha se kar ke khajil yaad-e-shah mein
Kheenchha hai hum ne kaanton pe itr-e-jamaal-e-gul
Main yaad-e-shah mein rowoon anaadil karein hujum
Har ashk laala faam pe ho ehtimaal-e-gul
Hain aks-e-chehra se lab-e-gulgoon mein surkhiyan
Dooba hai badr-e-gul se shafaq mein hilaal-e-gul
Naat-e-huzoor mein mutarannum hai andaleeb
Shaakhon ke jhoomne se ayaan wajd o haal-e-gul
Bulbul gul-e-madina hamesha bahar hai
Do din ki hai bahar fanaa hai ma'al-e-gul
Shekhen idhar nisaar, ghani o ali udhar
Ghuncha hai bulbulon ka yameen o shimaal-e-gul
Chahe khuda to payenge ishq-e-nabi mein khuld
Nikli hai nama-e-dil-e-purkhon mein f aal-e-gul
Kar us ki yaad jis se mile chain andaleeb
Dekha nahin ke khaar-e-alam hai khayal-e-gul
Dekha tha khwab-e-khaar-e-haram andaleeb ne
Khatka kya hai aankh mein shab bhar khayal-e-gul
Un do ka sadqa jin ko kaha mere phool hain
Kije raza ko hashr mein khandaa misal-e-gul