Kya Kuch Nahi Milta Hai Bhala Aap Ke Dar Se

Kya kuch nahi milta hai bhala aap ke dar se

Paate hain sabhi shah o gada aap ke dar se

Yun batt ti hai soghat-e-sakha aap ke dar se

Koi nahi mehroom-e-ata aap ke dar se

Khursheed o qamar aur chamakte huye taare

Roshan huye sab le ke zia aap ke dar se

Sad shukar ke main bhi hoon gada aap ke dar ka

Sad fakhr ke jo kuch bhi mila aap ke dar se

Ajao liye jao meri aal ka sadqa

Aati hai ye har waqt sada aap ke dar se

Ummat ko kiye jati hai sairaab barabar

Rehmat ki chali aisi ghata aap ke dar se

Phir aur kisi dar ki na haajat rahi is ko

Asif jo bhi wabasta hua aap ke dar se