Kuch Aasre Kasb-e-Faiz Ke Hain, Kuch Ayene Kashf-e-Noor Ke Hain

Kuch aasre kasb-e-faiz ke hain, kuch ayene kashf-e-noor ke hain

Ajeeb saleeqe shah-e-zama ke, ajeeb qareene huzoor ke hain

Hira se kiranon ki jagmagahat hamare dil tak pohanch rahi hai

Yeh ghariya pal pal musarraton ki, yeh lamhe peham suroor ke hain

Mein dil mein jhaankoon to dekhta hoon jhalak tere roza haseen ki

Ke faasle jo nigah mein hain, mughalate nazdo door ke hain

Habeeb moula-e-kul ke aijaz o faqr o jood o sakha ke aage

Jo reza reza bikhar rahe hain sanam, mata-e-ghuroor ke hain

Mere nabi ki nazar mukammal jamaal-e-yazdan mein munhamik hai

Maqam-e-Sidra ki wusaton mein kahan hijabat-e-toor ke hain

Khuda se bande ki qurbaton mein koi muzahim nahin hai Asghar

Jo uth rahe hain gumaan ke parde yeh sab karishme Huzoor ﷺ ke hain