Kooye Nabi Se Aana Sake Hum Raahat Hi Kuch Aisi Thi

Kooye Nabi se aana sake hum raahat hi kuch aisi thi

Yaad rahi na jannat hum ko jannat hi kuch aisi thi

Takte rahe Yusuf jaise hashr mein un ke chehre ko

Jab poocha to kehne lage wo surat hi kuch aisi thi

Bolo ae Jibreel ke in ke kyun katloye choome the

Kehne lage Jibreel ke in ki azmat hi kuch aisi thi

Paaas bulaya paas bithaaya arsh pe un ko Khaaliq ne

Yeh to aakhir hona hi tha chahat hi kuch aisi thi

Asghar Akbar Aun o Muhammad deen pe vaare hans hans ke

Yun lagta hai deen Nabi ki keemat hi kuch aisi thi

Duniya mein Sarkar ki naatein padhte rahe har ik lamha

Qabr mein bhi naat labon par aadat hi kuch aisi thi

Qabr mein Haakim jab puhnche to hans kar nakeeron ne dekha

Kyun na farishte pyaar se milte nisbat hi kuch aisi thi