Konain Ka Jawab Rukh-e-bu Turab Hai

Konain ka jawab rukh-e-bu turab hai

Munh bolti kitab rukh-e-bu turab hai

Zauq-e-nazar jawan ho to us zauq ki qasam

Har simt be naqab rukh-e-bu turab hai

Gar ho sake to waliyon ki mehfil mein dekhiye

Zarron mein aaftab rukh-e-bu turab hai

Sehn-e-chaman mein phool falak par meh o nujoom

Aur sab mein lajawab rukh-e-bu turab hai

Khaliq ka intekhab hain sarkar-e-do jahan

Aur un ka intekhab rukh-e-bu turab hai

Gardoon ka aaftab jahan sajda raiz hai

Woh jaan-e-aaftab rukh-e-bu turab hai

Aazam jise nabi ne kaha bab-e-shehar ilm

Haan haan wahi to bab rukh-e-bu turab hai