Khushbu Hai Do Aalam Mein Teri Ae Gul-e-cheeda
Khushbu Hai Do Aalam Mein Teri Ae Gul-e-cheeda
Khushbu hai do aalam mein teri ae gul-e-cheeda
Kis munh se bayan hoon tere osaf-e-hameeda
Seerat hai teri jo har aaina tehzeeb
Roshan tere jolwon se jahan-e-dil o deeda
Tu ruh-e-zaman, rang-e-chaman, abr-e-baharan
Tu husn-e-sukhan, shaan-e-adab, jaan-e-qaseeda
Tujh sa koi aaya hai na aaye ga jahan mein
Deta hai gawahi yahi aalam ka jareeda
Mazmir teri taqleed mein aalam ki bhalai
Mera yahi imaan hai, yahi mera aqeeda
Ae haadi-e-barhaq teri har baat hai sachchi
Deeda se bhi barh kar hai tere lab se shaneeda
Ae rehmat-e-aalam teri yaadon ki badolat
Kis darja sukoon mein hai mera qalb-e-tapeeda
Hai talib-e-altaaf mera haal-e-pareshaan
Mohtaaj-e-inayat hai mera rang-e-pareeda
Khairaat mujhe apni mohabbat ki ata kar
Aaya hoon tere dar pe ba daaman-e-dareeda
Yun door hoon Taib mein hareem-e-nabvi se
Sehra mein ho jis tarah koi shaakh-e-bareeda