Khush Hoon Ke Meri Khaak Hi Ahmad Nagar Ki Hai

Khush hoon ke meri khaak hi Ahmad nagar ki hai

Mujh par nazar azal se shahؐ-e-bahr-o-bar ki hai

Tabish meri nazar mein hai us rehguzar ki

Jis par nisaar jalwa fishani qamar ki hai

Lab par hai baat khulq-e-rasoؐl-e-kareem ki

Amad riyaz-e-jaan mein naseem-e-sehar ki hai

Shayad kya hai yaad mujhe phir huzoorؐ ne

Phir kefiyat ajeeb meri chashm-e-tar ki hai

Yaad-e-nabi ؐ ho manzil-e-uqba mein saath saath

Meri bas ek yaft yehi umr bhar ki hai