Khula Hai Sabhi Ke Liye Bab-e-rehmat Wahan Koi Rutbe Mein Adna Na Aali

khula hai sabhi ke liye bab-e-rehmat wahan koi rutbe mein adna na aali

muraadon se daaman nahi koi khaali, qataarein lagaye khade hain swaali

mein pehle pehal jab madine gaya tha to thi dil ki haalat tarap jane wali

woh darbar sach much mere samne tha abhi tak tasawwur tha jis ka khayaali

jo ek haath se dil sambhaale hue tha to thi dusre haath mein sabz jaali

dua ke liye haath uthte to kaise na yeh haath khaali na yeh haath khaali

jo poocha hai tumne ke mein nazar karne ko kya le gaya tha to tafseel sun lo

naaton ka ek haar, ashkon ke moti, duroodon ka gajra, salaamon ki daali

dhani apni qismat ka hai to wahi hai dayaar-e-nabi (ﷺ) jisne aankhon se dekha

muqaddar hai sacha muqaddar usi ka nigah-e-karam jis pe aaqa ne daali

mein aastan-e-haram ka gada hoon jahan sajde karte hain shayan-aalam

mujhe tajdaaron se kam mat samajhna mera sar hai shayan taaj-e-bilaali

mein to saif sirkaar karto raha hoon magar apni auqaat se baakhabar hoon

mein sirf ek adna sana khwaan hoon unka kahan mein kahan naat-e-iqbal-o-haali