Khul Gayin Sarhadain, La-Makani Tah Aasman Aa Gayi

khul gayin sarhadain, la-makani tah aasman aa gayi

aap tashrif laaye to jism do aalam mein jaan aa gayi

waqt ka qafila, roshni ke safar par rawana hua

be jehat zindagi, abd o mabood ke darmiyan aa gayi

zarrah zarrah Hijaz muqaddas ka aaina gar ban gaya

apne haath mein khilte hue phool le kar khazan aa gayi

tang zehnoon pe jab aap ne daal di ik kushada nazar

zaat ke qaediyon mein bhi ik wusat bekaran aa gayi

jab Muhammad ﷺ ki tanhai ne bheer ko hamnawa kar liya

khud giroh-e-yaqeen ki taraf nasl-e-wahm o gumaan aa gayi

kalma aap ka sangrezon ko dekha jo parhte hue

pathron ko khuda kehne waalon ke lab par azaan aa gayi

jab madar-e-zameen se nikal kar qadam Mustafa ne rakhe

aahon ki taraf chaand tare barhne ke kahkashan aa gayi

jab madar-e-zameen se nikal kar qadam Mustafa ne rakhe

aahon ki taraf chaand tare barhe, kahkashan aa gayi

main ne bheja hai jab bhi Muzaffar. durood aap par, yun laga

jaise sheerinion ke shikanjay mein sari zaban aa gayi