Khuda Ka Zikr Kare Zikr-e-mustafa ﷺ Na Kare

Khuda ka zikr kare zikr-e-Mustafa ﷺ na kare

Hamare munh mein ho aisi zubaan Khuda na kare

Dar-e-Rasool pe, aisa kabhi nahin dekha

Koi sawal kare, aur woh ata na kare

Kaha Khuda ne ke bakhshish ki baat mahshar mein

Mira Habib kare koi doosra na kare

Madina ja ke nikalna na shehar se bahar

Khudanakhuasta ye zindagi wafa na kare

Aseer jis ko bana ke rakhein Madine mein

Tamaam umr rehai ki woh dua na kare

Nabi ﷺ ke qadamoun pe jis dam ghulaam ka sar ho

Qaza se keh do ke ik lamha bhi qaza na kare.

Shaoor naat bhi ho, aur zabaan bhi ho adeeb

Woh aadmi nahin jo un ka haq ada na kare