Khud Ko Dekha To Tera Jood O Karam Yaad Aya

Khud ko dekha to tera jood o karam yaad aya

Tujh ko dekha to musaw'wir ka qalam yaad aya

Subah phooti to tere rukh ki zia yaad aayi

Chaand nikla to tera naqsh-e-qadam yaad aya

Kabah dekha to teri but shakni yaad aayi

Khuld dekhti to tera sehan-e-haram yaad aya

Ham ne aadha ke mazalim ka gilaa chor diya

Zaat par teri jo apno ka sitam yaad aya

Dekh kar jhootay khudaon ki sakha ka dastoor

Mujh ko sarkar ka andaaz-e-karam yaad aya

Roshni tair gayi hadd-e-nazar tak Aazm

Jab bhi woh maah-e-Arab, mehr-e-Ajm yaad aya