Karbala Ke Jaan Isaroon Ko Salaam
Karbala Ke Jaan Isaroon Ko Salaam
Karbala ke jaan isaroon ko salaam
Fatima Zahra ke pyaroon ko salaam
Mustafa ke maah paroon ko salaam
Naujawanoon gul-e-izaroon ko salaam
Karbala teri baharon ko salaam
Jaan isari ke nazaroon ko salaam
Ya Hussain ibn-e-Ali mushkil kusha
Aap ke sab jaan isaroon ko salaam
Akbar o Asghar pe jaan qurban ho
Mere dil ke tajdaroon ko salaam
Qasim o Abbas par hon rehmatain
Karbala ke sheh-sawaaroon ko salaam
Jis kisi ne Karbala mein jaan di
Un sabhi imandaroon ko salaam
Bhuki piyaasi beebiyon par rehmatain
Bhuke piyaasi gul-e-izaroon ko salaam
Bhed kya jane shahadat ka koi
Un Khuda ke razdaaroon ko salaam
Be-basi mein bhi haya baaqi rahi
Sab Hussaini parda-daaroon ko salaam
Rehmatain hon har sahabi par mudam
Aur khususan chaar yaaroon ko salaam
Beebiyon ko abid-e-bimaar ko
Be-kasoon, gham ke maaroon ko salaam
Ho gaye qurban Muhammad aur Aun
Syyeda Zainab ke pyaroon ko salaam
Karbala mein zulm ke toote pahar
Jin pe in sab dilfigaroon ko salaam
Aal o As-haab-e-Nabi ke jis qadr
Chahne wale hain saaron ko salaam
Ya Khuda! Ay kaash! Ja kar phir karoon
Karbala ke sab mazaroon ko salaam
Teen din ke bhooke piyaase aap ki
Ya Nabi! Aankhon ke taaroon ko salaam
Jo Hussaini qafile mein the shareek
Kehta hai Attar saaron ko salaam